اخر عدد | الحوار المتمدن

١٨ نيسان ٢٠٠٨

الكازينو..الكازينو .. الكازينو، وكارمن

اللي بفكر انه ملف الكازينو اتسكر بكون نعسان ومروح بدري.
وكل المسوغات اللي قدمها الذهبي يعني اضغاث احلام وبينشفق عليها، ويا شفيقة ارحمينا! النكته انه بقول (الذهبي) "ما فيه شبهة فساد!" بشرفك؟ كازينو وما فيه شبهة فساد! يعني شوف من وين مبلش، لد وراك اوبالمراة؟ لا تروح الحكومة كاينة رح تقرأ "آية من الذكر الحكيم" في افتتاح الكازينو؟
حكومة بتحط على حالها شرط تعجيزي بمليار دينار، والا دولار ، ولكازينو؟ وين صايره هاي! ما سامعين فيها! والحكومة مسؤولة امام القضاء البريطاني عن مشروع يجري على ارض الاردن. اين راحت "السيادة" واين "الولاء" والقاذورات اللي كان يتشدق بيها كل مسؤول كبير عن حبة وتفانيه في سبيل الاردن..

انا والصحيح يعني مش ضد الكازينوهات بشكل عام. واللي بده يقامر يقامر، بس مش بمصاري غيره، اهم شي مش بمصاري الناس اللي وضرايبهم.. بعدين وين قصة انه القطاع الخاص جايبينة يستثمر من شان هو اللي خاطر. ما انته معطيه برشوت بمليار دولار يهبط فيه اذا ما اقلعت معه على المزبوط وظلت طايره بيه. وين تجنيب البلد "مخاطر الاستثمار؟" يا حمار يا ابن الحمار. شكله ما عم بخاطر بالمرة، اصلا عمره ما خاطر. وكلشي بيعمله على المضمون من طلعتها لفوتتها، والحكومة والمسؤولين الكبار طيزين بلباس مع اثرياء القطاع
الخاص.

طبعا البلد خالي الدسم، لا فيه قضاء مستقل ولا مدعي عام يزوق على حاله ويرفع دعوة اويبادر بالتحقيق. بعدين دشرك من النواب، مش معقول يا هالنواب، شي يخزي العين.. يخزي العين..العين

الخوف انه تسريبة هالموضوع من اولها للوقاية من مخاطر انه يسمع الناس بالفساد من برا، ومن انه الفضيحة لا راد لها، نازلة على روس الناس طج وبتها تنضاف على حجم المديونية اللي رح تطلع من جلودنا بالآخر، اذا ظل الوضع عما هوه. الدلالة الاخرى ان التسريبة بدل على خلاف داخلي بين تيارات داخل الحكم، والا كان طبطبوا الطابق بيناتهم، ولهطوها سوى ولا حد دري ولا حد علم. وان غد لناظره قريب..

انا تارك للقراء هالمقطع من فلم لكارلوس سورا، رضي عنه ورضى عنه وارضاه:


هناك تعليقان (٢):

dkaken يقول...

شو الأيام اللي عم تيجي أل أنو الذهبي عم يفتح كازينو شنو الخلايجة ملو عمان بالدشاديش و الليموزين

رفيق ممكن ترجم شو بيحكوا هدول الناس , لأني حاسس أنهم من جماعة كوزالو

غير معرف يقول...

الترجمة بالمقال اللي فوق الفلم :)